963 Бардыгы /

          ЖАЛАЛ-АБАД. Жалал-Абад облусунун Кызыл-Жар шаарчасындагы психиатриялык ооруканада дарыланып жаткан бейтап – Өзбекстандын жараны түндөсү качып кеткен. Бул туурасындща Жалал-Абад облустук милициясынан билдиришти.

          Маалыматка караганда, Таш-Көмүр шаарына караштуу Кызыл-Жар-12 шаарчасында жайгашкан Республикалык психиатриялык ооруканасынын Кылмыш Кодексинин 114-беренеси менен мажбурлоо иретинде дарыланып жаткан Өзбекстандын Фергана облусунун 35 жаштагы К.Б. тургуну качып кетти. Бул окуя «Эркиндигинен ажыратуу жайларынан же кайтаруудан качуу» болуп катталып, ушул тапта дыкаат териштирүү иштери жүрүүдө.

          Эскерте кетчү жагдай: буга чейин Жалал-Абаддагы психиатриялык ооруканада көп жылдан бери дарыланып жүргөн адам качып кеткени жана изделип жатканы дагы кабарланган эле.

Алишер ТОКСОНБАЕВ, өз кабарчы