1,476 Бардыгы /

ЖАЛАЛ-АБАД. Жаза аткаруу мекемесинин имаратынын пайдубалын капсула салуу иш-чарасы өтүп, ага жазаларды аткаруу мамлекеттик кызматынын төрагасы Аскат Эгембердиев, Кыргыз Республикасынын Президентинин Жалал-Абад облусундагы ыйгарым укуктуу өкүлүнүн биринчи орун басары Мамасалы Акматов, жергиликтүү бийлик жетекчилери катышты.

Абакка берилген жер Базар-Коргон районунун Бешик-Жоон айыл аймагынын Бай-Мундуз айылындагы Сары-Талаа участкасында жайгашып, Жалал-Абад шаарынан 25-30 чакырым, район борборунан 15 чакырым алыстыкта жайгашкан. Мындагы аянттын ичине комплекстүү курулуш камтылат. Бул объект курулуш чөйрөсүндөгү заманбап талаптарга ылайыктуу болуп бүткөрүлөт.

Бул күнү Сузак районунун Арал айылында №53 тергөө изоляторунун жаңы имаратынын курулушуна да капсула салынды. Тергөө изоляторунда иши сотто жана тергөөдө болгон жарандар убактылуу кармалат.

Бул аракет Президент Садыр Жапаровдун шаар инфраструктурасын жакшыртуу жана коомдук коопсуздукту камсыз кылуу, жазаларды аткаруу кызматынын өздүк курамынын ичинде кызматтык тартипти чыңдоо, кесиптик даярдык деңгээлин жогорулатуу максатында ишке ашырылууда.