1,128 Бардыгы /

          БАТКЕН. Баткен облусунун чек арага чектешкен аймактарында милиция кызматкерлери эл менен жолугушууда. Бул туурасында Баткен облустук ички иштер башкармалыгынын басма сөз кызматынан билдиришти.

          Маалыматка караганда, Баткен районунун чек арага чектешкен аймактарында жашаган жергиликтүү тургундарга Көк-Таш айылдык милиция бөлүмчөсүнүн кызматкерлери коомдук тартипти сактоо, кылмыштуулуктун алдын алуу, өспүрүмдөрдүн коопсуздугун көзөмөлдөө, айрыкча чек ара аймактарында жашаган тургундардын мал-жандыктарын талаада кароосуз калтырбоо жагы абдан катуу эскертилди. Эгерде коомго терс көрүнүштөр жүз берсе, өз алдынча аракет кылбастан, тез арада милицияга кабар берүүсү мыйзамдуу экендигин дагы белгилешти.

          Баса, чек ара аймактарында Баткен облустук ички иштер башкармалыгынын кызматкерлери коомдук тартипти көзөмөлдөө максатында күнү-түнү кайгуулдарды уюштурган.

Алишер ТОКСОНБАЕВ, өз кабарчы