1,383 Бардыгы /

ОШ. Ош шаарынын Курманжан датка көчөсүндө 6-январдын түнүндө «Мерседес-Бенц» автоунаасынын шоопуру Жол коопсуздугу кыймылы кызматынын талабын аткарып, машианасын тоткотккон эмес.

Ошондуктан, патрулдук милиция кызмакерлери бир нече убакыттан кийин катуу ылдамдыкта айдалып бараткан «Мерседес-Бенц» автоунаасынын артынан сая түшүштү. Анан гана акырында аны араң токтотушту. Аталган машинанын адоочусу айыбын ачык моюндап, Ош шаарынын Урицкий  көчөсүндөгү токтотулуп турган автомобилди айдай качкандыгын ачыктады.

Ошентип, аталган фактынын негизинде «Мерседес-Бенц» автоунаасы жаза аянтына токтотулуп, ал эми кармалган жаран – айдоочу Ош шаардык ички иштер башкармалыгынын тергөө кызматына андан ары чара көрүү иретинде жеткирилди. Анан дагы айдоочудан машинанын күлүчү жана отвертка дагы тартылып алынды. Баса, туткундалган жаран башка дагы бир нече машина уурдоого катыштыгы бар болушу толук ыктымал.

Алишер ТОКСОНБАЕВ, өз кабарчы