1,083 Бардыгы /

          БАТКЕН. Баткен облусуна караштуу Лейлек районунун Максат айылында Тажик тараптын куралдуу кол салуусунун убагында талкаланган «Максат» орто мектеби бүтүндөй оңдоп-түзөөдөн өткөрүлүп, пайдаланууга тапшырылды.

          Баса, Баткен облусттук билим берүү усулдук борборунан билдиришкендей, былтыр сентябрь айындагы жаңжал маалында «Максат» орто мектеби өрттөлүп, а түгүл таптакыр жараксыз кейипти кийген эле. Эми мектепти капиталдык оңдоп-түзөөгө 3 миллион 274 миң 694 сом сарпталды.

          Ошентип, Лейлек районундагы «Максат» орто мектебинде жалпы жонунан 230 окуучу билим алышат. Буга дейре 163 окуучу онлайн режиминде билим алып келген болсо, дагы 67 окуучу убактылуу башка мектептерге каттап окушту.

          Алишер ТОКСОНБАЕВ, өз кабарчы