1,401 Бардыгы /

БИШКЕК. Кечээ, 17-апрелинде Бишкек шаарында Кыргыз Республикасынын Чек ара ведомстволоруна Кыргыз Республикасынын Мамлекеттик чек арасын комплекстүү башкаруу стратегиясын жана иш-аракеттер планын иштеп чыгууга көмөк көрсөтүү боюнча техникалык миссиянын отуруму болуп өттү.
ИИМдин басма сөз кызматы билдиргендей, аталган жыйынга Кыргыз Республикасынын Ички иштер министринин орун басары милициянын генерал-майору Октябрь Урмамбетов катышты.
Октябрь Урмамбетов өз сөзүндө – мамлекеттин туруктуулугун жана коомдун
биримдигин сактоо ар бир өлкөнүн башкы милдети экендигин белгиледи.
Белгилей кетсек, бүгүнкү күндө БОМКА 10 Евробиримдик каржылаган
аймактагы алдыңкы жана эң ири Программа болуп саналат.
2003-жылы ишке киргизилгенден бери БОМКА 10 программасынын ар кандай
фазалары потенциалды арттырууга жана институционалдык өнүгүүгө, соода
коридорлорун өнүктүрүүгө жана сооданы жеңилдетүүгө, чек араларды
башкаруу системасын жакшыртууга, ошондой эле Борбордук Азия аймагында
баңгизаттардын мыйзамсыз жүгүртүлүшүн четтетүүгө багытталган. БОМКАнын
ар бир жаңы фазасы мурунку жетишкендиктерди эске алуу жана мурунку
этаптардын натыйжаларын бекемдөө менен иштелип чыккан.
БОМКА-10 чек араларды комплекстүү башкаруу аркылуу туруктуу экономикалык
өнүгүүгө көмөктөшүү аркылуу аймактагы коопсуздукту жана туруктуулукту
жогорулатууга багытталган.
Учурдагы этап ошондой эле чек ара кызматташтыгын колдойт жана Борбордук
Азиянын чек ара аймактарында жашаган адамдардын жашоо шартын жакшыртууга багытталат.