1,125 Бардыгы /

ЖАЛАЛ-АБАД. Сузак районунун тургунунун үйүндө 2 килограммга жакын баңги зат алынды.
ИИМдин басма сөз кызматы билдиргендей, Кыргыз Республикасынын ИИМдин БМЖКККнын Жалал-Абад областы боюнча башкармалыгы ыкчам маалыматка ылайык, 2023-жылдын 4-июль күнү Жалал-Абад областынын Сузак районунун аймагында “А” аттуу жаран баңги затын ири өлчөмдө сатып жана таратып жүргөндүгү тууралу маалымат алынган. Аталган факты боюнча топтолгон материалдар Кыргыз Республикасынын Кылмыш-жаза кодексинин 282-бер. 1-бөл., көрсөтүлгөн кылмыштын белгилери менен Сузак РИИБдин Тергөө кызматы тарабынан кылмыш иши козголгон. Кылмыш иши боюнча жүргүзүлгөн ыкчам-иликтөө иш-чараларынын жүрүшүндө “А” атуу жарандын өздөгү аныкталып, ал Сузак районунун Сузак айылынын тургуну 1997-жылы туулган Х.Т.А. экендиги аныкталган. Кылмыш иши боюнча Кыргыз Республикасынын ИИМдин БМЖКККнын жана Кыргыз Республикасынын УКМКнын Жалал-Абад областы боюнча башкармалыгы менен биргеликте ыкчам-иликтөө иш чараларынын жүрүшүндө, 2023-жылдын 11-август күнү Сузак районунун Сузак айылынын үйүнө тинтүү жүргүзүү учурунда үйүнүн короосундагы сарайдын ичинде каптарга салынган банкалардын арасынан 2 даана скочт менен оролгон өзгөчө кескин жыты бар салмагы болжол менен 2 килограммга жакын баңгизаты табылып алынган.
Алынган заттарды так аныктоо максатында атайын соттук-химиялык
экспертиза дайындалган. Ал эми кармалган шектүү Х.Т.А. Сузак РИИБдин Убактылуу кармоо жайына киргизилген.