783 Бардыгы /

ОШ.  Өлкөбүздүн Энергетика министри Таалайбек Ибраев Ош электр тармактар ишканасынын «Энергосбыт», Ош, Сулайман-Тоо, Алай, Чоң-Алай, Ноокат, Араван, Кара-Суу РЭТтеринин күз-кыш мезгилине карата даярдыгы менен жериинде таанышып, керектелүүчү материалдардын жана техниканын жеткиликтүүлүгүн дагы тыкыр текшерди.

Ошондой эле өкмөт мүчөсү Таалайбек Ибраев2022-жылдын 25-ноябрында өткөрүлгөн биринчи элдик Курултайында каралган маселелер аткарылып жаткандыгы боюнча дагы кабар алды. Буга улай энергетика министри ар бир РЭТке өзүнчө баш багып, алардын жетекчилерине күз-кыш мезгилинен кыйынчылыксыз өтүү жана кемчиликтерди жоюу боюнча бир катар тапшырмаларды дагы берди.

Ошондой эле Кыргыз Өкмөтүнүн мүчөсү Таалайбек Ибраев электр энергиясын сатуу бөлүмдөрүнө «Мой свет» тиркемесин тезинен ишке киргизип, элдерге ыкчам жеткирүү жаатында дагы кечиктирилгис иш алып барууну, «Акылдуу» электр эсептегичтерди жана атайын изоляцияланган (СИП) өткөргүчтөрдү мөөнөтүнөн кечиктирбей орнотуу боюнча тапшырмаларды дагы берди.

Алишер ТОКСОНБАЕВ, өз кабарчы