870 Бардыгы /

        Ош облусунун Ноокат районундагы Төрөбай Кулатов атындагы айыл өкмөтүнө караштуу Маданият үйүнүн алдында “Шайыр апалар” аттуу чыгармачыл тобу дагыле иштейт. Бул топтун мүчөлөрү аймактарды чекесинен кыдырышып, калк көңүлүн такай көтөрүшүп, элди эмгекчилдикке жана дагы мекенчилдикке шыктандырган патриоттук ырларды созолонтушуп, ар кыл өнөрлөрүн дагы үстөккө-босток тартуулап келатышат.

• Чакан топпуз. Аталышыбыз айтыр тургандай, “Шайыр

апалар” жалаң айымдардан гана куралган, – деп кепке аралашты “Шайыр апалар” чыгармачыл тобунун жетекчиси Нургазы ЭРГЕШОВ. – Кыскасы, өнөрпоздорубуз – жалаң кыздар. Анан музыкалык жактан коштоочусу – аккордеончусу жалгыз жигитмин. Заманыбыздын оош-кыйышына чыдап-түтүп, биз жайы-кышы калк кызаматындабыз.

• “Шайып апалар” чыгармачыл тобу Чолпонай Маматова,

Аккыз Акматалиева, Апиза Амиркулова, Максуда Исмаилова өңдөнгөн талантуу айымдарыбыздын куралган, – деп кепке аралашты Ноокат районундагы Төрөбай Кулатов атындагы айыл өкмөтүнүн башчысы Аманилла Абдылдаев. – Жердештерибизди сергек жашоого үндөп, анан дагы буларды эмгекчилдикке чакырууда, албетте, ушул өнөрпоздорубуздун мээнети абдан чоң! Буларга Айылдык маданият үйүнөн атайын бөлмө ажыратып, а түгүл кереку кезде каржылык жактан колдоп дагы турабыз.

        … Аттиң. Ордолуу Ош жергесинде далай айылдык маданият үйлөрү таптакыр кароосуз калышты. А айрымдары менчиктештирилип дагы кетпедиби. Азыркы акимдер жана айыл өкмөт башчылары кыйчалыш заманда Ноокаттын “Шайыр апалар” тобунан үлгү алышса кана, атаганат?!?

Алишер ТОКСОНБАЕВ, өз кабарчы