615 Бардыгы /

ЫСЫК-КӨЛ. Кыргыз Республикасынын ИИМдин демилгеси менен түзүлгөн мекемелер аралык жумушчу тобу тарабынан Ысык-Көл облусунун аймагында жайкы туристтик мезгилде жарандардын өмүрүн жана ден соолугун сактоо боюнча алдын алуу иштери улантылууда.
ИИМдин басма сөз кызматы билдиргендей,15-август күнү ИИМдин, ӨКМдин, Билим берүү, Эмгек, социалдык камсыздоо жана миграция, Саламаттык сактоо министрликтеринин өкүлдөрүнөн турган мекемелер аралык жумушчу тобу, милициянын көчмө кабылдамасы менен Ысык-Көл районунун Чок-Тал жана Өрнөк айылдарында жайгашкан”Кооператор”, “Учкун”, “Солнышко”, “Роял бич”, “Париж” жана “Эдельвейс” эс алуу үйлөрүндө болушту.
Профилактикалык иш-чаранын жүрүшүндө жумушчу тобунун мүчөлөрү жарандарга алкоголдук ичимдиктерди пайдаланууга жол берилбестигин эскертти. Мындан тышкары, жарандарга жайкы эс алуу жайларында жана пляждарда сактык чараларын айтып беришти. “Кароосуз калган жеке буюмдар, уурулардын
олжосу болуп калышы мүмкүн». “Сактык чараларын сактоо менен, өздөрүнүн мүлктөрүн сактап калууга жардам берет”, — өӊдү эскертмелерди, иш-чаранын уюштуруучулары беришти. Ошондой эле тартип сакчылары көл жээгинде эс алып жаткан өспүрүмдөрдүн ата-энелери менен кезигип, көлдө эс алып жаткан учурда, балдарды өзгөчө көзөмөлдөө боюнча маектерди курушту.
КР ИИМдин коомдук коопсуздук кызматынын бөлүм башчысы милициянын полковниги Таалай Алижановдун айтымында, мекемелер аралык жумушчу тобунун өкүлдөрү эс алуучуларга жана эс алуу жайларынын жетекчилерине суунун жанында коопсуз эс алуунун, ошондой эле жарандардын өмүрүн жана
ден соолугун сактоонун элементардык эрежелери тууралуу жөнөкөй жана жеткиликтүү түрдө эскертишти.