1,302 Бардыгы /

 ОШ. Кыргызстандын Түштүк башкалаасында Апсамат Масалиев көчөсү менен Алишер Навои көчөсүнүн кесилишиндеги жол унаа каттамдары үчүн толук бойдон ачылды.

          Эске салчу жагдай: Ош шаарындагы Апсамат Масалиев көчөсүнүн үч чакырым жолуна толук жаңыдан асфальт төшөө иштери башталган эле. Жумуштар 100 пайызы аяктап жол бүгүнтөн тарта толук кандуу ачылды.

           Буга улай Апсамат Масалиев жана Алишер Навои көчөлөрүнүн кесилишиндеги жөө жүргүнчүлөр үчүн курулган өтмөк дагы шаар тургундары жана коноктору үчүн толук бойдон ачылып, өтмөк аркылуу жүрүүгө уруксат берилди. Өтмөктүн негизги конструкциясы толук бүттү. Ал эми шаар тургундарына тоскоолдук жаратпаган абалда кошумча жасалчу майда жумуштар гана жүрүп жатат. Жакынкы аралыкта ал иштерди толук бойдон бүткөрүү мерчемделген.

Алишер ТОКСОНБАЕВ, өз кабарчы