2,577 Бардыгы /

ЖАЛАЛ-АБАД. Кечээ, Жалал-Абад шаарындагы Барса футбол академиясында көзү азиз адамдар арасындагы кичи футбол боюнча шаар мэринин кубогу уюштурулду.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Эркинбек Маматаев, ыйгарым укуктуу өкүлдүн аппарат жетекчиси Уларбек Исмаилов жана жергиликтүү бийлик башчылары катышты.

Эркинбек Маматаев облустагы мүмкүнчүлүгү чектелген жарандарга ар тараптуу көмөк көрсөтүү, коомдук, маданий жана спорттук мелдештерди өткөрүүгө өзгөчө көңүл бурулуп жатканын билдирди. Бул демилге майыптыгы бар жарандардын мүмкүнчүлүктөрүн ачуу, аларга дем-күч берүү максатында уюштурулганын кошумчалап, бөлүнгөн акча каражатын тапшырды.

Жалал-Абад облусунда 52 миңге жакын ден соолугунан мүмкүнчүлүгү чектелген жарандар бар.