693 Бардыгы /

БИШКЕК. Бишкек шаарындагы «Ала-Арча» мамлекеттик резиденциясында терроризм жана экстремизм менен күрөшүү боюнча КМШ конференциясынын алкагында Министрлер кабинетинин төрагасынын орун басары — Кыргыз Республикасынын Улуттук коопсуздук мамлекеттик комитетинин төрагасы Камчыбек Ташиевдин төрагалыгы астында Кыргыз Республикасы менен Өзбекстан Республикасынын чек ара ведомстволорунун башчылары генерал-майор У.Шаршеев менен генерал-майор С.Хусановдун ортосунда тар чөйрөдө өзүнчө жолугушушту.

          Маалыматка караганда, жолугушууда тараптар биргелешкен чек араны коргоо, делимитация жана демаркация маселелери боюнча бир катар актуалдуу темаларды кенен-чонон талкуулашты. Эки мамлекеттин чек ара ведомстволорунун башчылары чек ара аймагындагы кызматташтыкты мындан ары бекемдөөнү жана ар кандай иш-чараларды анын ичинде маданий жана спорттук иш-чараларды туруктуу негизде өткөрүүнү дагы макулдашышты.

          Жолугушуу соңунда тараптар чек арачылардын чек арадагы жүрүм-турум линиясынын талаптарын так сактоо менен чек арада келип чыккан бардык маселелер жана сүйлөшүүлөр биргелешкен дипломатиялык жол аркылуу чечүүнү макулдашууга дагы жетишти.

          Алишер ТОКСОНБАЕВ, өз кабарчы