984 Бардыгы /

Көк-Арт район электр тармактар ишканасынын карамагындагы Жерге-Тал участкасынын имаратынын курулуш иштери жүрүп жатат. Бул боюнча Жалал-Абад электр тармактар ишканасынын маалымат катчысы билдирди.

Аталган участканын имараты авариялык абалда, иш алып баруу талабына жооп бербейт. Мындан улам Жалал-Абад электр тармактар ишканасы үстүбүздөгү жылдын иш планына киргизген. Учурда курулуш иштеринин басымдуу бөлүгү аягына чыгып калды. Жерге-Тал участкасынын энергетиктери Көк-Арт, Курманбек, Кара-Алма, Кыз-Көл айыл өкмөтүнүн тургундарын жана Кызыл-Суу айылынын элин электр энергиясы менен камсыз кылышат.

Кызматкерлерге ыңгайлуу шарт жаратып берүү менен иш ыргагы жеңилдейт. Кырдаалга карата күн-түн иштегенге туура келген учурлар болот, мындан улам заман талабына жооп бере турган имаратта иштөө кызматкерлер үчүн да абоненттер үчүн да маанилүү.

Жалал-Абад электр тармактар ишканасы эскилиги жеткен, кооптуу жагдайдагы имараттарды жаңылоону колго алып, үстүбүздөгү жылда 2 участканын ачылышын жасады. Бир кардарларды тейлөө борборун ачты андан сырткары район электр тармактар ишканаларынын имараттарын капиталдык оңдоп-түзөөдөн өткөрдү. Ушул жылдын аягына чейин дагы эки участканын имаратын ишке берүү алдында турат.

Эскерте кетсек, тендерден “ Нур-Ислам строй групп” компаниясы утуп алган, куруу жумуштарын аталган компания ишке ашырууда. Жалал-Абад электр тармактар ишканасы ишенимдүү жеткирүүчү! Ар бир үй жарык жана жылуу болсун.