912 Бардыгы /

          Президенттин Ош облусундагы ыйгарым укуктуу өкүлүнүн биринчи орун басары Уристем Манапов өз каалоосу менен кызматтан кеткендиги эми гана жар салынды. Бул үлкөн аткминердин кызматтан кол жуушу бийликтин уюшкан кылмыштуу топ менен күрөшүү жараянынын алкагында гана жүргүзүлдү.

          Улуттук коопсуздук мамлекеттик кызматтын төрагасы Камчыбек Ташиев ушул жылдын 17-ноябрында УКМКнын Панфилов районундагы бөлүмүнүн имаратын ачып жатып, уюшкан кылмыштуу топторго каршы күрөш мындан ары дагы таптакыр токтобой тургандыгын, мунун алкагында Камчы Асанбек (Камчы Көлбаев) менен байланышы бар мамлекеттик кызматкерлер дагы аныкталып, кызматтан кетип жатышкандыгын билдирди: – Мындан ары биз эч кимди аябайбыз! Өзгөчө уюшкан кылмыштуу топтор менен жана коррупционерлер менен тыгыз байланышып жүргөн мамлекеттик кызматкерлерге аео дегеле болбойт! Мына кечээ президенттин Ош облусундагы ыйгарым укуктуу өкүлүнүн биринчи орун басары кызматтан алынды. Өзгөн шаарынын мэри Дамир Моңолдоров дагы камалды. Мындай иштер мындан ары дагы ырааттуу улантылат. Ушундай жол менен гана биз Кыргызстанда  темирдей тартипти орнотобуз!

          Баса, 2021-жылдын сентябрында Уристем Манапов президенттин Ош облусундагы ыйгарым укуктуу өкүлү болуп Зиядин Жамалдиновдун ордуна дайындалган. Быйыл апрелде ал кайрадан күлдүн биринчи орун басарлыгына которулган. УКМК төрагасынын маалыматына караганда. Камчы Көлбаев менен Раимбек Матраимовго 225тен ашык мамлекеттик кызматкердин байлынышы бардыгы аныкталган. Булардын арасынан 133 кызматкер Камчы Көлбаев менен, 92 адам Райымбек Матраимов менен жашыруун байланышта тыгыз иштешкен. Атайын кызматтын төрагасы алардын жетимиштен ашыгы кызматтан алынгандыгын баса белгиледи. Анын айтымында, бажы кызматында эле 85 адамдын байланышы аныкталып, 50 чактысы кызматынан дароо айрылышты.

          Айтмакчы, кримтөбөл Камчыбек Көлбаев быйыл 4-октябрда Бишкекте УКМКнын атайын операциясы маалында өлтүрүлгөн. Ал эми Раимбек Матраимов коррупциялык иштерген аралашкан деп соттун чечими менен айыптуу катары табылгандан кийин мамлекетке өз эрки менен 2 миллард сом төгүп берген.

Алишер ТОКСОНБАЕВ, өз кабарчы