684 Бардыгы /

Женго каймана аты менен таанымал Кадырбек Досоновдун тергөө абагында каза тапкандыгы туурасында социалдык тармактарда тарап жаткан маалымат чындыкка дал келбейт. Бул туурасында анын жактоочусу Назгүл Сүйүнбаева билдирди.

          Женгонун жактоочусу Назгүл Сүйүнбаеванын айтымында, Кадырбек Досонов ушул тапта Бишкектеги №1-тергөө абагында (№ 21-мекемеде) кармалууда. Мамлекеттик жаза аткаруу кызматы дагы ждогорудагы маалыматты четке кагып, жалган экендигин ырастады.

          Эске салаарыбыз: акыркы жолу Женго 2023-жылы 25-сентябрда Кызыл-Кыя шаарында кармалган. Тинтишкенде, анын унаасынан курал-жарак жана маңзат табылган. Ал Баткен районунун ички иштер бөлүмүнүн убактылуу кармоочу жайына киргизилген. Октябрь айында ал видеокайрылуу жасап, криминалдык макамынан баш тарткандыгын өзү билдирген.

          Баса, Кадырбек Досонов буга дейре Оштогу уюшкан кылмыштуу топтун мүчөсүн өлтүргөн деп дагы шектелген. Бирок, териштирүүнүн  жүрүшүндө ал айыбын толук мойнуна алган эмес!

Алишер ТОКСОНБАЕВ, өз кабарчы