615 Бардыгы /

          Ош облусунун Ноокат районунда таксисттерди коркутуп-үркүтүп, андан соң акча талап кылышкан жарандар тобу кармалды. Бул туурасында Ош облустук ички иштер башкармалыгынан маалымдашты.

          Маалыматка караганда. Ош облустук ички иштер башкармалыгына 1983-жылы туулган С. А. атайын арыз менен кайрылган. Ал Ноокат районунун С. жана Ж. Аттуу тургундары Ноокат-Бишкек багытындагы таксилерди коюучу жайга унаасын  токтотуп, такси кызматын аткаргандардан накталай акча талап кылып жаткандыгына даттанган. Арыз дароо эле текшерилип, ушуга улай иликтөө дагы башталган. Ошентип, топтолгон материалдардын негизинде Кылмыш-Жаза Кодексинин 208-беренесинин негизинде (Опузалап акча талап кылуу) кылмыш иши козголуп, ыкчам тергөө амалдары ыраса активдештирилген.

          Мунун натыйжасында Ноокат районунун 1962-жылы туулган тургуну О. Ж. атайын белги коюлган 20 миң сом акчаны жабырлануучудан – таксисттен талап кылып, андан ары алып жатканда кармалды. Андан аркы ыкчам аркеттердин аркасында бул кылмышка тиешеси бар дагы бир шектүү Ош шаарынын 1992-жылы туулган тургуну А. уулу А. кошо кармалды.

          Ушул тапта бул кармалган шектүүлөрдүн кылмыштуу топторго, же башка дагы кылымыштарга катыштыгы бардыгы, же жоктугу, ошондой эле шериктештиги  дыкаат текшерилип жаткан маалы.

Алишер  ТОКСОНБАЕВ, өз кабарчы