552 Бардыгы /

          Өткөн 2023-жылда Ош облусунун аймагында 62 жаңы өнөр жай ишканасы ачылды. Бул туурасында Бул туурасында президенттин Ош облусундагы өкүлү Эльчибек Джантаев билдирди.

          – Мунун аркасында аймагыбызда 1000ге чукул жумуш орундары түзүлдү. Жалпы жонунан облусубуздун өнөр жай тармагында 15 миллиард 931,3 миллион сомдук продукция өндүрүлдү. Кызмат көрсөтүүлөр өткөн жылдын ушул мезгилине салыштырмалуу 2 миллиард 171,5 миллион сомго көбөйдү, – деп сүйүнчүлөдү президенттин Ош облусундагы өкүлү Эльчибек Джантаев.

          Президенттин Ош облусундагы өкүлү Эльчибек Джантаевдин айтымында, Ош облусунун өндүрүш тармагы былтыр туруктуу өсүштү жана олуттуу жетишкендиктерди гана көрсөттү. Тармактын келечектүү тенденцияларына таянып, быйыл дагы олуттуу натыйжаларга жетишээри күтүлүүдө.

          Алишер  ТОКСОНБАЕВ, өз кабарчы