501 Бардыгы /

Борбор калаабызда гана эле эмес, мындан ары аймактарда дагы ипотекалык үйлөр курулат. Маселен, Жалал-Абад шаарында алты жерде ипотекалык үйлөр курулууда. Бул туурасында президенттин иш башкаруучусу Каныбек Туманбаев билдирди.

Маалыматка караганда, Жалал-Абад шаарында курулуп жаткан көп кабаттуу үйлөрдө жалпы жонунан 2 744 батир болот.

– Бүгүнкү күндө Жалал-Абад шаарында курулуш иштери абдан  кызуу жүрүүдө. Тааныш-билишти салып эч ким алдыңкы кезекке тура дагы албайт. Колунда барларга үч-төрттөн батир алганга биз эч качан жол бербейбиз! — деп агынан жарылды президенттин иш башкаруучусу Каныбек Туманбаев.

Баса, президенттин иш башкаруучусу Каныбек Туманбаев ошондой эле жаңы ипотекалык үйлөр чыныгы муктаждарга гана берилээрин катуу убадалады. Анткени, бул турак жайлардын бөлүнүшү президент Садыр Жапаровдун жеке көзөмөлүндө турат. Алишер  ТОКСОНБАЕВ, өз кабарчы