357 Бардыгы /

 Ош – Сары-Таш – Эркечтам автоунаа жолунун 70-72 жана 82-чакырымдары сел калдыктарынан бирооло тазаланып, бир тараптуу каттамга гана жол ачылды. Бул туурасында Транспорт жана коммуникациялар министрлигинен билдиришти.

Ведомствонун соңку маалыматына караганда, аталган аймакта соңку тапта катуу жааган жамгырдын кесепетинен катарынан сел жүрүп, автоунаа жолун жаап таштаган. Аймакка жолчулар техникалары менен дароо тартылып, жолду бир беткей тазалап, бир тараптуу каттам ачылды. Белгиленгендей, азыркы учурда жогоруда белгиленген тилкелерде тазалоо жана кеңейтүү иштери кызуу улантылууда.

Эскерте кетчү жагдай: мындан бир күн мурун Жол кыймылынын коопсуздугун камсыздоо башкы башкармалыгы сел жүргөнүнө байланыштуу аталган жол убактылуу жабылгандыгын эскерткен эле.

Алишер ТОКСОНБАЕВ, өз кабарчы