228 Бардыгы /

Кыргызстандын Түштүк башкалаасынын Ооруларды алдын алуу жана мамлекеттик санитардык-эпидемиологиялык көзөмөлдөө борбору Golden life («Золотая жизнь») аталышындагы суусундуктарды шаардагы соода түйүндөрүнөн сатыктан ала баштады. Бул туурасында Ош шаардык мэриясынын басма сөз кызматынан кабарлашты.

Маалыматына караганда, аталган иш-аракеттер Кыргызстандын Ооруларды алдын алуу жана санитардык-эпидемиологиялык департаментинин тиешелүү буйругунун негизинде калктын, айрыкча балдардын ден соолугун коргоо максатында гана жүргүзүлүүдө. Лабораториялык изилдөөлөрдүн жыйынтыгында Ооганстандан чыгарылган аталган суусундук «Балдардын активдүүлүгүнө жана көңүл буруусуна терс таасирин тийгизген азорубин – Е 122 боңгун камтыйт» деп табылган. Санитардык-эпидемиологиялык көзөмөлдөө борборунун кызматкерлери соода түйүндөрүнүн ээлерине жогорудагы продукцияны сатууга тыюу салуу тууралуу тиешелүү көрсөтмөлөрдү дагы беришти.

Golden life («Золотая жизнь») суусундугунун өндүрүүчүлөрү жана импорттоочулары бул боюнча комментарий берише элек. Ооганстанда өндүрүлгөн Golden life суусундугу рынокто соңку бир-эки жылдан бери гана пайда болду. Аны айрым блогерлер жарнамалап жатышкан. Акыркы күндөрү социалдык тармактарда суусундуктун зыяндуулугун айткан билдирүүлөр жарыялана баштаган. Суусундуктун таңгагында ал анардын ширесинен жасалганы жазылган. Азыкты сынга алгандар муну сынга алып, суусундук химиялык кошулмалар жана даам күчөткүчтөр менен жасаларын сындап келишкен.

Алишер Токсонбаев, өз кабарчы