231 Бардыгы /

         Ош облусунун Кара-Суу районунда расмий документтерди жасаган жана тараткан мыйзамсыз каналдын ишмердүүлүгүнө бөгөт коюлду. Бул туурасында УКМКнын маалымат кызматынан билдиришти.

         Маалымдалгандай, аталган канал аркылуу Ош жергесин байырлашкан чет өлкөлүктөр үчүн расмий документтер жасалып турган. Алар диний-экстремисттик уюмдарга түздөн-түз катыштыгы бар чет өлолүктөргө гана таратылган. Ошол себептүү ушул жылдын 2-июлунда « Документтерди жасалгалоо» беренесине ылайык,  Б.Г.Ж. и Б.Д.Г. кармалышты. Алардын үйүн тинткенде, туулгандыгы туурасындагы актай күбөлүктөр, өлгөндүгү жөнүндө күбөнаамалар, Кыргыз Республикасынын жана коңшу өлкөлөрдүн жарандарынын паспорттору гербделген мөөрү менен табылды. Мындан тышкары тыюу салынган «Хизб ут-Тахрир» диний экстремисстик уюмунун араздашууга чакырган материалдары жана баракчалары дагы кошо алынды.

Ушул тапта козголгон кылмыш ишинин алкагында бул жоруктарга түздөн-түз тиешеси бар адамдарды дароо аныктоо жараяны кызуу жүрүп жатат.

Алишер ТОКСОНБАЕВ, өз кабарчы