297 Бардыгы /

Кыргызстандын Түштүк башкалаасында сел жүргөн аймактарды залалсыздандыруу иштери кызуу улантылууда. Бул туурасында Ош шаарынын мэриясынан билдиришти.

Маалыматка караганда, Ош шаардык санитардык-эпидемиологиялык көзөмөлдөө борборунун адистери Ак-буура каналынын жээгинде, 13 эс алуу жайларында, ошондой эле «Керемет-Балакай» балдар бакчасында залалсыздандыруу иштерин кызуу жүргүзүштү. Ал эми Жапалак айыл өкмөтүнө караштуу Төлөйкөн, Бодур-Таш, Озгур жана Кыргызстан айылдарында селдин кесепеттерин жоюу максатында жалпы жонунан 6 санитардык топ түзүлүп, 51 турай үй, короо-жайлар жана ажатканалар залалсыздандырылды. Буга улай эс алуучу жайлардан, ичүүчү таза суу түтүкчөлөрүнөн 40, ачык көлмөлөрдүн сууларынан 40 жана 21 баткактын үлгүлөрү алынып, лабораториялык жактан тыкыр изилденди.

Ошентип, соңку тапта калк арасында жугуштуу илдеттердин пайда болуусун алдын алуу, залалсыздандыруу жана чалгындоо иштери дагыле улантылууда. Мындан тышкары үй-бүлөлүк медициналык борборунун дарыгерлери тарабынан селден жапа чегишкен 192 жаранга, анын ичинде 63 жаш балага жана 24 кош бойлуу аялга медициналык жардамдар көрсөтүлдү.

Алишер ТОКСОНБАЕВ, өз кабарчы