375 Бардыгы /

Ош облусуна караштуу Алай жана райондорунда жарандардан акча талап кылышкан нотариустар кармалышты. Бул туурасында Улуттук коопсуздук мамлекеттик комитетинен билдиришти.

Атайын кызматтын маалыматына караганда, Алай жана Араван райондорунун мамлекеттик нотариалдык кеңсесинин нотариустары – кызматкерлери жарандардан документтерди тариздөө үчүн системалуу түрдө акча талап кылып келишкен.

Мамлекеттик органдарда коррупцияга каршы күрөшүү боюнча жүргүзүлүп жаткан иш-чаралардын алкагында УКМК тарабынан Кыргыз Республикасынын Кылмыш-Жаза Кодексинин 343-беренесинин 1-бөлүгү жана 337-беренесинин 2-бөлүгү (пара талап кылуу жана кызмат абалынан кыянаттык менен пайдалануу) боюнча козголгон кылмыш ишинин алкагында Алай жана Араван райондорунун мамлекеттик нотариалдык кеңсесинин Б.Г.Ш. жана И.Л.Ж аттуу нотариустары системалуу негизде мыйзамсыз жеке баюу максатын көздөп, нотариалдык аракеттердин жараянын жасалма татаалдатуу жолу менен нотариалдык документтерди тариздөөдө акча каражаттарын талап кылышкандыгы аныкталды.

Ошентип, ушул жылдын 10-майында жана 17-июлунда козголгон кылмыш иштеринин алкагында жогорудагы кызматкерлер кайрылган адамдардан акча каражатын өндүрүү учурунда кармалышты. Ушул тапта тергөө жараяны абдан кызуу жүрүп жатат.

Алишер ТОКСОНБАЕВ, өз кабарчы