291 Бардыгы /

Ош облусунун Кара-Суу районундагы Датка айыл өкмөтүнүн жергиликтүү Кеңешинин депутаты Хусанбай Мусаев кайрадан кармалды. Бул туурасында Ош облустук ички иштер башкармалыгынын басма сөз кызматынан билдиришти.

        Маалыматка караганда, ушул жылдын 19-июль күнү  Кара-Суу районундагы Датка айыл өкмөтүнүн жергиликтүү Кеңешинин депутаты Хусанбай Мусаев 2016-жылдан тартып ушул күнгө чейин өзүнүн кызмат абалынан пайдалануу менен Шарк айылынын жарандарынын ишенимине кирип, «Турак жай куруу үчүн жер тилкесин алып беремин!» деп, ири өлчөмдөгү акча каражатын алып жүргөндүгү жана учурда дагы аталган мыйзамсыз аракеттерин улантып жаткандыгы аныкталган.

Ошентип, жогорудагы көрсөтүлгөн кылмыш ишинин алкагында ыкчам-иликтөө иш-чаралары жүргүзүлүп, Кара-Суу районунун Датка айыл өкмөтүнүн жергиликтүү Кеңешинин депутаты  М.Х., аттуу жаран аныкталып, тергөө кызматына камсыз этилген. Аталган фактынын негизинде Кыргыз Республикасынын Кылмыш-Жаза Кодексинин  209-беренесинин 4-бөлүмүнүн 4-пункту (Кызматтык абалынан пайдаланып, ири өлчөмдө жасалган алдамчылык ) менен иш козголгон. Кылмышка шектүү сыңары М.Х. Кара-Суу РИИБсынын убактылуу кармоочу жайга киргизилди.

Алишер ТОКСОНБАЕВ, өз кабарчы