294 Бардыгы /

Кыргызстандын Түштүк баш калаасынын аймагында ар кандай нааразычылык акцияларын өткөрүүгө чектөө киргизилгендиги жар салынды. Бул туурасында жергиликтүү укук коргоочу Гүлгаакы Мамасалиев шардана кылды.

Оштук укук коргоочу Гүлгаакы Мамасалиеванынколундагы документке караганда, тургундардын бири Ош аймагында ар кандай митингдер саясий туруктуулукка терс таасирин тийгизип, эс алуучулардын тынчтыгын бузуп жаткандыгын жүйөө карманып, арыз менен сотко кайрылган. Ошондуктан, Ош шаардык соту арызды толук канааттандырып, үстүбүздөгү жылдын 28-июнунан тартып 31-декабрына дейре нааразычылык акцияларына тыюу салган чечим чыгарды. Митингдерди шаардагы Муминов жана Руставели көчөлөрүнүн кесилишиндеги АтаТүрк сейил багында гана өткөрүүгө уруксат берилип олтурат. Сот чечимине ылайык, Ош мэриясы дагы митингдерди чектөө боюнча ушул жылдын 5-июлунда токтом токуду.

Айтмакчы, ушул жылдын 22-июлунда Ошто борбордук базардын көчүрүлүшүнө нааразычылыгын билдиришип Ош шшаар мэриясынын имаратынын жанына топтолгон соодагерлердин айрымдарын милиция кармап кеткен эле. Анда соодагерлер убактылуу иштеп жаткан көпүрөлөрдү калтырып туруу жана базарды көчүрүү убактысын узартууну талап кылышкан.

Ал эми Бишкек шаарында 2022-жылы март айынан тартып митингдерге киргизилген чектөөнүн мөөнөтү узарууда. Акция өткөрүүнү каалагандар Бишкектеги Максим Горький атындагы бакчага гана чогулгана акылуу. Эл аралык Human Rights Watch (HRW) укук коргоо Уюму Дүйнөдөгү 2023-жылдагы адам укуктарынын абалы боюнча баяндамасында Кыргызстанда жарандардын тынч жыйындарга чогулуу укугу бузулуп келаткандыгын билдирген.

Алишер ТОКСОНБАЕВ, өз кабарчы