171 Бардыгы /

Министрлер Кабинетинин Төрагасынын орун басарлары Кыргызстандын аймактарын кыдырып, эл менен жолугушуу өткөрөт. Мындан маалыматты Президенттин Жалал-Абаддагы Өкүлчүлүгүнүн маалымат кызматы билдирди.

Маалыматка ылайык, топтун курамында элдин суроосуна жооп берип, айрым маселелерди жеринде чече турган тийешелүү жетекчилер, кызматкерлер коштоп жүрөт.

Мында жолугушуунун өтө турган дарегин жана убактысы боюнча маалымат жарыяланды.

Анда Ош, Жалал-Абад облустарын Бакыт Торобаев, Чүй, Ысык-Көл, Талас жана Нарын облустарын Адылбек Касымалиев, Баткен облусуна Эдиль Байсалов барат.

Каалоочулар ошол күнү келип катышсаңыздар болот.

ЖАЛАЛ-АБАД ОБЛУСУ

Токтогул районундагы жолугушуу 12-августта А.Керимбаев атындагы маданият үйүндө 10:00дө башталат.

Кара-Көл шаарындагы жолугушуу 12-августта 16:00дө Энергетик атындагы маданият үйүндө болот.

Таш-Көмүр шаарындагы жолугушуу 13-августта саат 10:00дө шаардык маданият үйүндө өтөт.

Аксы району боюнча жолугушуу 13-августта Кербен шаарындагы А.Алымов атындагы маданият үйүндө 16:00дө башталат.

Чаткал районундагы жолугушуу 14-августта 09:00дө Ч.Айтматов атындагы маданият үйүндө өткөрүлөт.

Ала-Бука районундагы жолугушуу 14-августта Ала-Бука райондук мамлекеттик администрациясынын жыйындар залында 16:00дө башталат.

Майлуу-Суу шаарындагы жолугушуу 15-августта шаардык маданият үйүндө 10:00гө белгиленди.

Ноокен районундагы жолугушуу 15-августта 15:00дө Ноокен райондук мамлекеттик администрациясынын жыйындар залында өтөт.

Базар-Коргон районундагы жолугушуу 16-августта Базар-Коргон райондук мамлекеттик администрациясынын жыйындар залында 10:00дө өтөт.

Сузак районундагы жолугушуу 16-августта 15:00дө Сузак райондук райондук мамлекеттик администрациясынын жыйындар залында өтөт.

Жалал-Абад шаарындагы жолугушуу 17-августта облустук Барпы атындагы кыргыз драма театрында 10:00дө башталат.

Белгилей кетсек, Тогуз-Торо районундагы жолугушуу Нарын облусуна барганда уюштурулат.