264 Бардыгы /

Ички иштер министрлигинин Кылмыш иликтөө башкы башкармалыгынын кызматкерлери жана Кыргыз Республикасынын Министрлер кабинетине караштуу этил спиртин, алкоголдук продукцияны өндүрүүнү жана жүгүртүүнү контролдоо боюнча мамлекеттик агентигинин кызматкерлери менен биргеликте жүргүзүлгөн ыкчам иш-чараларынын натыйжасында Ош шаарынын аймагына «Г» аттуу жаран шериктери менен Кыргыз Республикасынын аймагына, Тажикстан Республикасынан аткезчилик жолу менен алынып келинген спирт продукциясын жеке турак-үйдө сактоо менен бөтөлкөлөргө куюп жасалма спирт ичимдиктерин даярдап, Ош шаарынын жана Ош облусунун аймагында сатып жүрүшкөндүгү ашкереленди.

        Аталган фактынын негизиндще Ош шаарлык ички иштер башкармалыгынын Тергөө кызматы тарабынан Кыргыз Республикасынын Кылмыш-Жаза Кодексинин 240-беренеси (спиртти жана спирт кошулган ичимдиктерди мыйзамсыз өндүрүү) менен кылмыш иши козголду. Буга ылайык Ош шааарынын Жапалак айыл өкмөтүндө жайгашкан бүтпөгөн жеке турак-үйдүн жер төлөөсүнөн 5 литрдик желим бөтөлкөлөргө куюлган 390 даана жалпы 1950 литр спирт алынды. Мындан тышкары Кара-Суу районуна караштуу Манас айыл өкөмтүндөгү үйдүн унаа токтотуучу жайынан 123 кутуча, ар биринде 24 даана бөтөлкөсү бар, 0.2 өлчөмдөгү жалпы 2952 даана бөтөлкө (590.4 литр) спирт ичимдиктери алынды.

        Баса, аталган спирт жана спирт ичимдиктери Ош шаарынын тургунуна таандык экендиги ырасталды. Ушул тапта баардык жагдайды тактоо боюнча ыкчам иштер улантылууда. А түгүл соттук экспертиза дагы дайындалып, тергөө иштери абдан кызуу жүргүзүлүүдө.

Алишер ТОКСОНБАЕВ, өз кабарчы