42 Бардыгы /

Жактоочу Жахангир Сайфуллаев Кыргызстандын Түштүк башкалаасында 15 жаштагы кызды мажбурлап сойкулукка иштетип, ошондой эле кулчулукта кармашкан адамдарга карата катаал чара көрүүнү суранып Акыйкатчыга кайрылды.

        Жактоочу Жахангир Сайфуллаевдин айтымында, 15 жаштагы кызды адегенде ар  түрдүү шылтоо менен ур-токмокко алышып, эркектердин көзүнчө жылаңачтап видеого тартышып, кашын кырып, “Башка бирөөгө айтсан, сени өлтүрөбүз!” деп коркутуп-үркүтүп, аргасыздан кулчулукта кармап келишкен. Жогорудагы жасагандарынын баарын видеого тартып алышып, а түгүл Интернетке дагы жайып жиберишкен.

• Ошону менен катары алар жапжаш кызды аябастан бир ай

бою интимдик кызмат көрсөтүүгө мажбурлашкан. А өздөрү дагы жаш кыздын кызматы үчүн кардарларынан а түгүл акча деле алып турушкан. Кыз бүгүнкү күнү өз өмүрүнөн абдан кооптонуп жатат, – деп тызылдады жактоочу Жахангир Сайфуллаев.

        Акыйкатчы Жамиля Жаманбаева укук коргоо органдарынын жетекчилерин Ош шшаарындагы 15 жаштагыкыздын укугун бекем коргоого жана тез арада чара көрүүгө дагы чакырды. Мекеме жабырлануучуга укуктук жардам көрсөтүлгөндүгүн, ал узак мөөнөттүү реабилитацияга дагы муктаж экендигин жашырган жок.

        Башкы прокуратуранын расмий маалыматына караганда,  Кыргызстанда 2023-жылы балдарга каршы 1 832 кылмыш жасалган. Мунун 478и Бишкекте, 427и Чүй облусунда, 220сы Жалал-Абадда, 225и Ош облусунда, 177и Ош шаарында, 119у Ысык-Көлдө, 89у Баткенде, 58и Нарында жана 39у Таласта катталган. Ал эми Кыргызстандын Акыйкатчысы 2022-жылы өлкөдө жашы жете элек балдарга зордук-зомбулук, адам укугун бузуу боюнча иштердин 31 пайызы кыскартылып, 32 пайыза гана сотко жеткендигин маалымдаган. Калган 37 пайызы дээрлик создуктурулуп, териштирүү этабында калган.    

        Алишер ТОКСОНБАЕВ, өз кабарчы