30 Бардыгы /

Жалал-Абад жергесинде кыш өндүрүүчү компанияларга 1 миллион сом айып пул салынды. Бул туурасында Архитектура, курулуш жана турак жай-коммуналдык чарба мамлекеттик агенттигинен билдиришти.

Маалыматка караганда, Мамкурулуш агенттигине караштуу Жалал-Абад регионалдык мамлекеттик-архитектура курулуш къзъмълдъъ башкармалыгы Сузак районундагы «Тумара» ЖЧКсы, Курук-Сай участкасындагы «Курук-Сай кыш заводу» ЖЧКсы, Сасык-Булак айылындагы «Арашан» ААКсы, Барпы айыл өкмөтүнүн Тобой айылындагы «Трасс ОсОО» ЖЧКсы, Барпы айыл өкмөтү Курук-Сай участогундагы «Султан-Ата» ЖЧКсында пландан тышкары текшерүү жүргүзүп, жыйынтыгында баарында тең ченемдик укуктук актылардын бузулган фактыларды аныктады.

Ошентип, аталган фактылардын негизинде жазма буйруктар кошо берилип Кыргыз Ресупбликасынын Укук бузуулар жөнүндөгү Кодексинин 144-беренсинин 1-пунктуна ылайык ар бир кыш өндүрүүчү заводго 200 миң сом айып пул салынып, жалпы жонунан 1 миллион сом айып пул мамлекеттин эсебине өндүрүлдү. Мындан ары мыйзам чегиндеги мындай иш-аракеттер дагыле улантылат.

Алишер ТОКСОНБАЕВ, өз кабарчы