30 Бардыгы /

Ош — Бишкек автоунаа жолунун Өзгөн шаары аркылуу өтүүчү тилкесинде жол кыймылынын көптүгүнөн, айланма жол куруу зарылдыгы келип чыккан эле. Бул ишти баштоого Президент Садыр Жапаров 2023-жылдын 20-декабрында кол койгон.

Ошентип, Улуттук долбоорго ылайык, узундугу 14 чакырымды түзгөн айланма жол курулуп жаткан чагы. Анын жалпысынан узундугу 206, 75 жана 12 метр. Арылыкта заманбап 3 жаңы көпүрө дагы курулат.

Долбоордун курулушунун жалпы наркы 29,4 миллион долларды түзөт. Баса, Бишкек — Ош автоунаа жолунун Өзгөн шаары аркылуу өтүүчү тилкесинде жол тыгынын азайтуу максатында курулуп жаткан жолдун узундугу 14 чакырымды түзөт. Жол эки тараптуу, анан дагы 4 катар болот. Анда Кара-Дарыянын үстүнөн өткөн 200 метрлик көпүрө жана Жазы дарыясынын үстүнөн 97 метрлик көпүрө курулууда.

Жолдун 8 кесилишине туннель аркылуу өтүүчү жол курулуп, светофор коюлбайт. Азыркы учурда 300 жумушчу жана 112 техника иштеп жатат. Бул долбоор ишке ашырылса, жергиликтүү тургундар көп көйгөйдөн арылып, өлкө экономикалык өнүгүүгө гана багыт алмак дешет адистер.

Анткени, Ош-Бишкек жолундагы Өзгөн шаарын аралап өтчү жолдо айдоочулар эле эмес, жакын арадагы райондор менен айылдардан соода-сатыкка келген тургундар көптөгөн көйгөйлөрдөн кутулмак.