51 Бардыгы /

Ош шаарында жүргүнчүлөрдү ташыган автобус өрттөнүп кетти. Ош шаардык мунииципалдык автоунаа ишканасынын жетекчиси Саипжан Турдуев бул фактыны ачык моюндап, автобус жүрүп баратканда гана күйө баштагандыгын моюндады.

– Кырсык ушул жылдын 4-сентбярында саат 16.00 чамасында катталган. Өрт адегенде тутанып, кайрадан эле абдан аз убакыт аралыгында өчүрүлдү. Бактыга жараша ичинде жүргүнчү жок эле! – деп кошумчалады Ош шаардык муниципалдык автоунаа ишканасынын жетекчиси Саипжан Турдуев.

– Анан бул кырсыктан шоопур деле жапа чеккен эмес. Биз бул автобустарды жай мезгилинде каттамдан алган элек. Жүргүнчүлөр көптүгүнөн №5-жана 6-автобустарды гана кайрадан каттата баштадык. Ошондо №13-каттамдагы автобустарды мындан ары биротоло токтотобуз. Айтмакчы, Ош шаарындагы муниципалдык автоунаа ишканасына 2016-жылы 30 автобус, 23 троллейбус берилген. Булардын 15и гана жарактуу. Ушул тапта 8 эле автобус каттамга эптеп чыгып атат. Анткени, бул техникалар 2014-2018-жылдарда Орусиядан алынып келинген.

Алишер ТОКСОНБАЕВ өз кабарчы