3 Бардыгы /

Кыргызстандын Түштүк башкалаасындагы Абдыманап Мамыров көчөсүндөгү базарды шаардын сыртына көчүрүү пландаштырылууда. Бул туурасында шаар мэриясынан билдиришти.

Ош шаары мэринин орун басары Сонунбек Жунусбаев жана муниципалдык менчик башкармалыгынын жана дагы Аймактык башкармалыктын өкүлдөрү аталган көчөдөгү курулуш материалдары жана унаа тетиктер базарын жылдыруу боюнча соодагерлер менен атайын жыйын өткөрүштү. Анын жүрүшүндө эки ай аралыгында базарлар шаар сыртына чыгарылаары айтылып, кагаз жүзүндө эскертүүлөр дагы берилди. Бул иштер шаар ичиндеги унаа тыгындары жоюу жана инфроатүзүмдү мындан ары жакшыртуу максатында гана жасалууда.

Эске салчуу жагдай: ушул жылдын 24-июлунда Ош шаардык Кеңеши калаа ичиндеги бардык тамак-аш, курулуш, кийим-кече жана жайма базарларды шаар сыртына токтоосуз көчүрүү боюнча токтом кабыл алган.

Алишер ТОКСОНБАЕВ өз кабарчы