51 Бардыгы /

Кыргыз Республикасынын Эмгек, социалдык камсыздоо жана миграция министри Жылдыз Полотова Баткен облусуна жасаган жумушчу сапарынын алкагында социалдык кызматтарды алуучулар менен дагы жеринде жолугушту. 

Жумушчу сапарынын учурунда Жылдыз Полотова мамлекет менен социалдык контракт түзгөн жакыр жана аз камсыз этилген үй-бүлөлөргө 100 миң сомдук сертификаттарды тапшырды. Ошондой эле майып чоңдор жана балдар менен дагы жолугушуп, алардын суроолоруна жооп кайтарып, муктаждарга майыптар арабасын тапшырды. Мындан тышкары Кадамжай жана Лейлек райондорундагы медициналык-санитардык эксперттик комиссиялардын ишмердүүлүгүн, ошондой эле социалдык стационардык мекемелердеги жашоо сапатын дагы кошо текшерди.

Ошентип, жумушчу сапарынын жүрүшүндө Кыргыз Республикасынын Эмгек, социалдык камсыздоо жана миграция министри Жылдыз Полотова Жылдыз Полотова шаардык, райондук жана райондор аралык башкармалыктар менен дагы жумушчу кеңешмелерди өткөрүп, кызматкерлер менен жолугушууларда төлөмдөрдү дайындоонун жана социалдык кызматтарды алуунун даректүүлүгүн ого бетер күчөтүү, кадрлардын дараметин жогорулатуу боюнча милдеттерди койду. Эмгек министрлигинин башчысы социалдык коргоо үчүн кайрылгандарга аяр мамиле жасоонун маанилүүлүгүн дагы баса белгиледи. Иш сапардын алкагында Аймактык түзүмдөргө компьютердик техникаларды тапшырды.

Алишер ТОКСОНБАЕВ өз кабарчы