24 Бардыгы /

Кыргыз адабиятынын көрүнүктүү өкүлү, классик акын, Барпы Алыкуловдун 140 жылдык мааракеси, өзү жашап өткөн Сузак районунун Барпы айыл аймагынын Ачы айылындагы үй музейинде эскерилди. Маалыматты Президенттин Жалал-Абаддагы өкүлчүлүгүнөн билдиришти.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, ТҮРКСОЙ эл аралык уюмунун башкы катчысы Султан Раев, Маданият, маалымат, спорт жана жаштар саясаты министрлигинен, жергиликтүү бийлик жана айыл тургундары катышты.

Мындагылар акындын үй музейи менен таанышып, Барпы Алыкуловдун чыгармачылыгы жана өмүр таржымалын эскеришти. Ага катар Барпы акындын калемине таандык ырлар ырдалып, чакан концерттик программа тартууланды.

Эске салсак, Барпы Алыкуловдун өзү жашап өткөн үйү 1994-жылы анын 110 жылдык мааракесинде үй музей катары түптөлүп, реконструкциядан өткөн.