39 Бардыгы /

        Кыргызстандын Түштүк башкалаасындагы жүргүнчүлөрдү жана конокторду Кыргыз Республикасынын Транспорт жана Коммуникация министрлигине караштуу Жерде жүрүүчү жана суу транспорту Департаментинин Ош Аймактык башкармалыгына караштуу 1050 кичи, облустар арасында каттаган 1200 кичи автобустар, ошондой эле шаар четине сапар чеккен 74 транспорттор үзгүлтүксүз гана тейлеп келатышат.

-Соңку тапта тартип абдан катаалдашып, өзгөчө нукка салынды. Орой түрдөгү 11 мыйзам бузуу фактысы катталып, буга жол койгон ар бир айдоочу 1000 сомдон акчалай айыпка дагы жыгылышты, – деди Кыргыз Республикасынын Транспорт жана Коммуникация министрлигине караштуу Жерде жүрүүчү жана суу транспорту Департаментинин Ош Аймактык башкармалыгынын жетекчиси Нуртилек АЛЫМБЕКОВ.  – Эгерде мындай мыйзамсыз жоруктар дагы кайталанса, анда айдоочулар жүргүнчүлөрдү ташуу укугунан биротоло ажыратылат.

        Айтмакчы, айдоочулар жүргүнчүлөргө орой мамиле жасап, же жол тартибин одоно түрдө бузушса, анда жүргүнчүлөр дароо эле 0559-39-07-31 телефону аркылуу Кыргыз Республикасынын Транспорт жана коммуникация министрлигине караштуу Жерде жүрүүчү жана суу транспорту департаментинин Ош аймактык башкармалыгынын көзөмөлдөө бөлүмүнүн башчысы Артыкалы СҮЙҮНОВго түз байланышып, так маалымат берүүгө мүмкүнчүлүк түзүлдү.

Алишер ТОКСОНБАЕВ, өз кабарчы