36 Бардыгы /

Ички иштер министрлигинин Кылмыш иликтөө башкы башкармалыгынын кызматкерлери республиканын түштүгүндө белгисиз жаран сымаптын ири өлчөмүн сатууну көздөп жаткандыгы тууралуу ыкчам маалымат алышты. Топтолгон материалдардын негизинде Ош облустук ички иштер башкармалыгында Кыргыз Республикасынын Кылмыш-Жаза кодексинин 292-беренеси менен (Сатып өткөрүү максатында күчтүү таасир этүүчү же уулуу заттарды мыйзамсыз жүгүртүү) кылмыш иши дагы козголду.

        Аталган кылмыш ишинин алкагында бул фактыга түздөн-түз тиешеси бар бардык адамдарды аныктоо максатында ыкчам иш-чаралардын жүрүшүндө Ички иштер министрлигининКылмыш иликтөө башкы башкармалыгынын кызматкерлери Ноокат районунун аймагында «Daewoo Tico» маркасындагы автомашина кармалып, андагы шектүү адамдар туткундалды. Унааны Ноокат районунун тургуну, 1985-жылы туулган М.Н. аттуу жаран башкарып жүргөн экен.

        Дыкаат текшерүү маалында атлагн автоунаанын ичинен салмагы 6 кило 200 грамм сымап салынган желим идиш табылган. Ошондой эле сымаптын ээси болгон унаанын жүргүнчүсү Ноокат районунун 1983-жылы туулган тургуну К.У. аттуу жаран дагы кармалды. Шектүүлөр бүт Ноокат РИИБсынын убактылуу кармоо жайына киргизилди. Ушул тапта тергөө иштери кызуу улантылууда.

        Алишер ТОКСОНБАЕВ, өз кабарчы