36 Бардыгы /

Борбор калаабызда республикалык «Мыкты мугалим – 2024» сынагы акыры жыйынтыкталды. Биринчи орунду ОшМУнун «Билим» лицейинин математика сабагынын мугалими Назгүл КАНЫБЕКОВА багындырды.

– Мыкты мугалим – тажрыйбалуу окутуучу гана эмес, балдардын ой-чабытын ырааттуу өстүрүп-өнүктүргөн, а түгүл ар бир окуучунун дараметин ачкан устат! – деди ОшМУнун «Билим» лицейинин математика сабагынын мугалими, республикалык «Мыкты мугалим – 2024» сынагынын ээси Назгүл КАНЫБЕКОВА. – Ал эми республикалык «Мыкты мугалим – 2024» сынагына мен көп жылдардан бери дыкаат даярдандым. Аракетим абдан күч эле. Мен өжөрлүгүмдүн аркасында гана бул бийиктикти акыры багындырдым.

Баса, мүмкүнчүлүктөн пайдаланып биз дагы оштук мыкты агартуучу Назгүл КАНЫБЕКОВАга мындан ары деле жаратмандыкты гана каалайбыз!

Алишер ТОКСОНБАЕВ, өз кабарчы