24 Бардыгы /

Баткен облусуна караштуу Баткен районунда тергөөчүгө пара сунуш эткен жаран кармалды. Бул туурасында Ички иштер инистрлигинен билдиришти. 

Маалыматка караганда, үстүбүздөгү жылдын 3-декабрында Баткен районунун тургуну 1965-жылы туулган М.Б. аттуу жаран өзүнүн пайдасына мыйзамсыз чечим чыгаруу үчүн Баткен РИИБсынын тергөөчүсүнө 4 миң доллар сунуштагандыгы аныкталган. Аталган факты боюнча дароо эле кылмыш иши козголуп, ИИМдин Ички иликтөө кызматынын кызматкерлери УКМКнын кызматкелери менен биргеликте жүргүзгөн ыкчам аракеттердин натыйжасында М.Б. аттуу жаран пара катарында алып келген 4 миң долларын тергөөчүгө берип жаткан жеринде кармалды.

Ушул тапта М.Б.КР Кылмыш-Жаза процессуалдык Кодексинин 96-беренесинин негизинде убактылуу кармоочу жайына киргизилип, тиешелүү тергөө иштери жүргүзүүлүүдө. Жыйынтыгы менен кошумча маалымат берилет.

Алишер ТОКСОНБАЕВ, өз кабарчы