3 Бардыгы /

Баткен облусунда Фергана өрөөнүн климаттык тобокелчиликтерден жана дагы жаратылыш кырсыктарынан коргоо максатында алдын ала эскертүүчү метеорологиялык станция ачылды. Бул иш-чарага борбордук жана жергиликтүү бийлик органдары, президенттин Баткен облусундагы ыйгарым укуктуу Өкүлчүлүгү, Өзгөчө кырдаалдар министрлигинин жана Европа Биримдигинин Кыргызстандагы Өкүлчүлүгү, ошондой эле БУУнун өкүлдөрү жана айыл тургундары катышышты.

Баткен облусунун Кадамжай районундагы Майдан айылында жайланышкан жаңы жана заманбап метеостанция жаратылыш кырсыктарына байкоо жүргүзүү үчүн маалыматтарды өз убагында чогултууга, ошондой эле талдоо жүргүзүүгө, болжолдоолорду жакшыртууга жана ыкчам чара көрүүгө дагы зор мүмкүндүк жаратып олтурат. Айтмакчы, ушул жылдын жай мезгилинде орун алган суу ташкындарынан кийин, алдын ала сигнал бере турган, эскертүү системаларын күчөтүү зарылчылыгы туулган.

Өзгөчө кырдаалдар министринин биринчи орун басары Азамат Мамбетов өз сөзүндө мониторинг жана алдын ала эскертүү системалары Кыргызстандын артыкчылыктуу багыты экендигин баса белгиледи: – Жаңы технологиялар жана БУУнун Өнүктүрүү Программасы жана Евразия Биримдиги менен өнөктөштүк жарандарыбыздын коопсуздугун жана туруктуулугун камсыз кылууга жардам бермекчи. Бириккен Улуттар Уюмунун Башкы катчысынын «Баарына эрте эскертүү» глобалдык чакырыгы өзгөрүп жаткан климаттын шартында адамдардын өмүрүн жана бакубаттуулугун коргоого гана багытталган.

Ал эми жана БУУнун Өнүктүрүү Программасынын Кыргызстандагы өкүлү Александра Соловьева бул метеостанция климаттык чакырыктарга каршы өнүккөн технологиялар жергиликтүү жамааттардын туруктуулугун кантип бекемдей ала тургандыгынын ачык мисалы экендигин баса белгиледи: – Биз Кыргызстанга ишенимдүү мониторинг жана эскертүү системасын түзүүдө колдоо көрсөтүүнү мындан ары дагы ырааттуу түрдө улантабыз.

Бириккен Улуттар Уюмунан билдиришкендей, бул метеостанция – аталган аймакта ишке киргизүү пландалган төрт метеостанциянын бири. Жакынкы арада мындай станциялар Жалал-Абад облусунун Барпы, Ош облусунун Жаңы-Ноокат жана Баткен облусунун Орозбеков айылдарында дагы пилоттук негизде иштей баштамакчы.

Алишер ТОКСОНБАЕВ, өз кабарчы