9 Бардыгы /

УКМКнын Мамлекеттик чек ара кызматынын маалымат жана коммуникация башкармалыгынын маалыматына караганда, Баткен облусунун Лейлек районунда Лейлек чек ара отрядынын чек арачылары эки күндүн аралыгында баасы болжол менен 1 900 000 сомду чапчыган аткезчилик жүгүн кармашты.

Үстүбүздөгү жылдын 9-январында Баткен облусунун Лейлек районунун Курук-Сай жергесинде чек ара кезмети  Mercedes-Benz үлгүсүндөгү автоунааны кармашып, анын айдоочусу Кыгрызстандан Тажикстанга 3 тонна майдаланган тоок этин жана болжол менен 300 кг. куйрук майын алып өтүүгө аракет кылган. Айдоочуда – 2003-жылы туулган Ж.уулу Т. аттуу Кыргызстан жаранында, алып өтүп бараткан жүгүнө тийиштүү документтер болгон эмес!

Ал эми бүгүн, 2025-жылдын 10-январында, Достук-Мурас автожолунун тилкесинде Лейлек чек ара отрядынын чек арачылары Лейлек РИИБсынын кызматкерлери менен биргеликте “Toyota Corolla” үлгүсүндөгү автоунааны токтотуп, анда Тажикстандан Кыргызстанга алынып келинген аткезчилик жүктү кармашкан. Автоунаанын айдоочусу  – 1994-ж.т. С.Р. аттуу Кыргызстан жараны Кыргызстандын аймагына болжолдуу баасы 1 500 000 сомду түзгөн сегиз куту электрондук тамекини документи жок алып кирген.

Ошентип, тийиштүү протоколдор түзүлгөн соң, кармалышкан Кыргыз жарандары жана алардын аткезчилик жүктөрү тийиштүү органдардын кызматкерлерине андан аркы териштирүү иштерин жүргүзүү үчүн өткөрүлүп берилди.

Алишер ТОКСОНБАЕВ, өз кабарчы