66 Бардыгы /

Жаңырган жылдын 30-январында болжол менен саат 08:10 чамасында Алыкулов көчөсүнөн 1978-жылы туулган К.Г. аттуу жөө жүргүнчүнү белгисиз унаа сүзүп, окуя болгон жерден белгисиз тарапка качып кеткен.
ЖКККББнын басма сөз кызматы билдиргендей, жол кырсыгынын натыйжасында жөө жүргүнчү окуя болгон жерден  көз жумган.
Бул факты боюнча кайгуул кызматынын Издөө бөлүмү ыкчам кармоо иш-чараларын жүргүзүп, кылмыш изи суй электе кылмышка шектүү катары Мерседец “Бенц Спринтер 211” үлгүсүндөгү жүк ташуучу унаанын 1977-жылы туулган Ж.А. аттуу айдоочусун Масалиев жана Шералиев көчөлөрүнүн кесилишинен  кармашкан.
Азыркы учурда кылмышка шектүү жаран тергөө кызматына жеткирилип, тергөө амалдары жүргүзүлүүдө.