63 Бардыгы /

Ноокен районунун аймагында Министрлер Кабинетинин токтомуна жана Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Бакыт Торобаевдин тапшырмасына ылайык райондук мамлекеттик администрация башчысы-аким Таалайбек Ишенбековдун төрагалыгында райондук жумушчу комиссия түзүлүп, ыкчам жыйналыш өткөрүлдү. Жыйында аким тарабынан тиешелүү жетекчилерге тапшырмалар берилип, негизги азык-түлүк товарларына анын ичинде эт жана картошкага болгон бааны турукташтыруу жана алдын алуу милдеттери коюлду.

Ошондой эле Ноокен райондук мамлекеттик администрация башчысынын биринчи орун басары Жайнак Немат уулу жумушчу топ менен биргеликте жеринде түшүндүрүү иштерин жүргүзүшүп, эт жана картошкага болгон бааны негизсиз көтөрүп саткан ишкерлерге карата мыйзам чегинде чаралар көрүлөөрү эскертилип, элдин кызыкчылыгы биринчи орунда болуусу зарыл экени белгиленди. Түшүндүрүү иштеринин негизинде 2025-жылдын 5-февралынан тартып мал этине болгон баа 630-650 сомдон 600 сомго, жылкы этине болгон баа 600 сомдон 550 сомго, кой этине болгон баа 650 сомго жана картошка 60 сомдон дүң баада 50 сом, чекене баада 55 сомдон сатылуусу макулдашылды.