60 Бардыгы /

Улуттук коопсуздук боюнча мамлекеттик комитет (УКМК) Ош облусунда А.Б.А. аттуу адамга кол салган «Нейтрал» деген аталыштагы жаштар тобунун айрым мүчөлөрү кармалгандыгын билдирди.

Атайын кызматтын маалыматына караганда, ушул жылдын 9-январында сөз болуп жаткан топтун мүчөлөрү А.Б.Ага бычак сайып, ага Ош облустук ооруканасында бир нече жолу операция жасалган. Буга улай аталган фактынын негизинде кылмыш иши дагы козголуп, 24 (И.Э.И.) жана 23 жаштагы эки шект\\ адам кармалып, дароо камакка алынган. Коопсуздук органы Ош шаарында өз ара уюшулган жаштардын тобуна тиешеси бар делген дагы үч жигит (Х.Н. У., Т.А.Т. жана Т.Т.Т.) аныкталып, аларга түшүндүрүү иштери жүргүзүлгөндүгүн кошумчалады.

Ошондуктан, УКМК жаштарды, анын ичинде спортчуларды ар кандай топтордун мыйзамсыз иштерине таптакыр аралашпоого чакырып жаткан чагы. 

Алишер ТОКСОНБАЕВ өз кабарчы