30 Бардыгы /

Кыргызстандын Түштүк башкалаасынын жаңы мэри Жеңишбек Токторбаев Ош шаарындагы эң ири Абсамат Масалиев атындагы көчөнү командасы менен кыдырды. 

– Абсамат Масалиев жана Аскар Шакиров көчөлөрүн кесилиштирген Нурматов көчөсүн тез ремонттоп, автоунаа жолун ыкчам ачуу абзел! Бул туурасында тишешелүү жетекчилерге тапшырма бердим. Анткени, аталган автоунаа жолун жаап, №703-аскердик Гензавод аялдамасына катарлаш жайланышкан №703-аскердик бөлүккө дагы жолтоолук кылууда, – деди Ош шаарынын мэри Жеёишбек Токторбаев.

– Ошондуктан, тиешелүү жетекчилер аталган автоунаа жолун чукул арада ачууну буюрдум. Тапшырмамды аткарбай, эл алдында менин сөзүмдү эки кылгандарга катаал чаралар көрүлөт.

Ош шаарынын мэри Жеңишбек Токторбаев андан ары кызыл сызыктан чыгып курулган коммерциялык обьектилерди токтоосуз жок кылууну, ошондой эле калаанын бирдиктүү дизайн кодун иштеп чыгууну дагы орун басарларына тапшырды.  Ошентип, шаарды тартипке кешлтирүү мындан ары дагы ырааттуу улантылмакчы. 

Алишер ТОКСОНБАЕВ, өз кабарчы