60 Бардыгы /

Ош шаарынын чок ортосунда жайланышкан 74 миллион сомдук «СанРайс» мейманканасы акыры мамлекетке кайтарылды. Бул туурасында Ички иштер министрлигинен билдиришти.

Ички иштер министрлигинин Кылмыш иликтөө башкы башкармалыгынын кызматкерлери мамлекеттик менчиктеги обьектилерди мыйзамсыз чыгарып кетүү жана жеке менчикке өткөрүп берүү фактысын аныкташты. 2004-2007-жылдар аралыгында Ош шаарынын борборунда жайланышкан мурунку бала бакчанын имараты Ош шаар мэриясынын жана башка мамлекеттик органдардын кызмат адамдары тарабынан кызматтык абалынан кыянаттык менен пайдалануунун кесепетинен жеке менчикке мыйзамсыз берилген. Аталган имарат көптөн бери «Сан Райс» мейманканасы сыёары гана колдонулуп келаткан. Мамлекеттик мүлк мыйзамсыз менчиктештирилгенден  кийин мунун баары жеке материалдык пайда табуу максатында иш-аракеттерди жүзөгө ашырууга мүмкүнчүлүк түзгън. Мамлекеттик органдардын кызмат адамдарынын мыйзамсыз аракеттеринин натыйжасында мамлекетке, ошентип, олуттуу зыян келтирилген.  Аталган факты боюнча Ички иштер министрлигинин Тергөө кызматы тарабынан Кыргыз Республикасынын Кылмыш-Жаза Кодексинин «Коррупция» беренеси менен кылмыш иши козголгон.

Ушул тапта Ички иштер министрлигинин Кылмыш иликтөө башкармалыгы жана Тергөө кызматынын аракети аркасында жогорудагы баасы 74,6 миллион сомдон ашкан үч кабаттуу мейманкана мамлекеттин балансына кайтарылып, кылмыш ишинин алкагында тергөө иштери кызуу жүргүзүлүүдө. 

Алишер ТОКСОНБАЕВ өз кабарчы