27 Бардыгы /

Кыргызстанджын Түштүк башкалаасындагы 13 кабаттуу «Сити Парк» турак жай комплексинде өрт коопсуздугу абдан тыкыр текшерилди.

Өзгөчө кырдаалдар министрлигинен билдиришкендей, аталган турак жай комплексинин жашоочулары тарабынан өрт коопсуздук талаптарынын сакталышы боюнча арыз дагы келип түшкөн. Бул Кайрылуунун негизинде ӨКМдин Өрттү көзөмөлдөө кызматынын Ош шаары жана Ош облусу боюнча башкармалыгы тарабынан тиешелүү текшерүү жүргүзүлдү. Аталган текшерүү Экономика жана коммерция министрлигинин Ош аймактык бөлүмү менен макулдашылып, «Сити Пар» турак жай комплексин курган «РЕФРЕШ БИЛД» курулуш компаниясына карата өткөрүлдү. Анын жыйынтыгында өрт коопсуздук боюнча 7 пункттан турган текшерүү актысы түзүлүп, курулуш компаниясына тиешелүү эскертүүлөр дагы берилди.

Өзгөчө кырдаалдар министрлиги жарандардын коопсуздугун камсыздоо максатында өрт коопсуздук чараларын көзөмөлдөө иштерин мындан ары дагы улантат жана бардык обьектилердин ээлерин тиешелүү эрежелерди так сактоого чакырат.

Алишер ТОКСОНБАЕВ өз кабарчы