45 Бардыгы /

ДҮЙНӨ ЧЕМПИОНУ КАЛЫКОВ БИЛИЛГА МОМБЕКОВ ЖАШТАРЫ ТАРАБЫНАН АРГЫМАК АТ ТАРТУУЛАНДЫ. Маалыматты Ноокен райондук мамлекеттик администрациясынын басма сөз кызматы билдирди.

Момбеков айыл өкмөтүнүн маданият үйүндө Өзбекстандын борбору Ташкент шаарында өткөн дүйнөлүк чемпионатта спорттун армрестлинг жана пара-армрестлинг(кол күрөш) түрү боюнча ийгилик жараткан спортчуларыбыз сыйланды.

Чемпионатта биринчи орунду багындырган спортчубуз Билал Калыковго Момбеков жаштары тарбынан аргымак ат тартууланды. Момбеков айыл өкмөтү тарабынан акчалай сыйлыктар, белектер, грамота тапшырылды. Экинчи орунду багындырган Нурбек Усманалиев жана Үсөн Мамазакировдорго грамоталар, акчалай белектер тапшырылды.

Ноокен райондук мамлекеттик администрациясынын башчысы-акимТаалайбек Ишенбеков спортчулардын жараткан ийгилигине кубанычы чексиз экенин белгилеп, өлкөбүздү, анын ичинде районубузду татыктуу көрсөтүп, желегибизди бийик желбиретип, дүйнөгө таанытып жатышкандыгы сүйүнүчтүү кабар экенин белгиледи.

Ошондой эле алардын машыктыруучуларына сыйлыктар жана акчалай белектер тапшырылды.