39 Бардыгы /

УКМКнын аймактык башкармалыгынын кызматкерлери, УКМКнын Мамлекеттик чек ара кызматынын чек арачылары жана Баткен облустук ички иштер башкармалыгынын өкүлдөрү чогуу-чараан аткезчилик жол менен ташылып барткан 2 миллион сомдук жүктү акыры кармашты.

          Кыргыз Республикасынын УКМКсынын Мамлекеттик чек ара кызматынын маалымат жана коммуникация башкармалыгынын маалыматына караганда, Баткен облусунунАрка – 2 кыштагында УКМКнын Мамлекеттик чек ара кызматынын чек ара наряды Кыргызстандан чыгып коңшулаш Тажикстанды карай бараткан шектүү Hyundai Porter автоунаасын дароо токтотушкан. Анткени, автоунааны Кыргызстан жаранын үйүнө жакын токтотушуп, айдоочу андан күмөн санаткан жүктөрдүн түрмөгүн түшүргөн.

          Ошондуктан, УКМКнын Мамлекеттик чек ара кызматынын чек ара наряды Арка аймактык милиция бөлүмчөсүнүн кызматкерлери менен биргеликте жеринде өзүнчө тинтүү дагы жүргүзгөндө, аткезчилик жол менен ташылган 994 кило меди жана 1419 кило урунулган микросхем табылды. Кармалган аткезчилик жүгүнүн жалпы наркы азырынча 2 000 000 сом деп бааланды.

          Айтмакчы, аталган үйдүн ээси У. М. – Кыргыз жараны. 1987-жылы туулган. Бул адам аткезчилик жүгү менен кошо Лейлек райондук ички иштер бөлүмүнүн кызматкерлерине өткөрүлүп берилди. Эми мыйзамсыз жорукка Лейлек РИИБсынын өкүлдөрү гана укуктук баа беришмекчи.

Алишер ТОКСОНБАЕВ, өз кабарчы