24 Бардыгы /

Кыргыз Республикасынын УКМК мамлекеттик Чек ара кызматынын маалымат жана коммуникация башкармалыгы Кыргыз Республикасынын УКМКсына караштуу Мамлекеттик чек ара кызматынын Чүй облусу боюнча башкармалыгынын чек арачылары Кыргыз-Казак мамлекеттик чек арасын мыйзамсыз кесип өтүү аракетинин алдын алышкандыгын маалымдайт.

Маалыматка караганда, чек арага жакын аймакта күзөт кылуу учурунда чек ара кезмети мамлекеттик чек ара тилкесине жакын жерде, Казакстан Республикасынын аймагында турган Mercedes-Benz үлгүсүндөгү унааны байкап калышкан. Ошондуктан, байкалган автоунаанын тушундагы чек ара тилкесине дароо жетип келишкен Кыргыз чек арачылары Казакстандан Кыргызстанга Чүй дарыясы аркылуу өткөн аялды кармашкан. А тү гү л анын жанында өздүгүн тастыктаган документтери болгон эмес. Кармалган аялдын айтымында, ал – 1985-жылы туулган У.М.Р. аттуу Өзбекстан Республикасынын жараны.  Тийиштүү документтер толтурулгандан кийин кармалган аял андан ары териштирүү жүргүзүү жана окуянын бардык чоо-жайын аныктоо максатында компетенттүү укук коргоо органдарынын кызматкерлерине өткөрүлүп берилди.

Кыскасы, Кыргыз Республикасынын УКМКсына караштуу Мамлекеттик чек ара кызматы мамлекеттик чек араны мыйзамсыз кесип өтүү аракетинин кайсынысы болбосун сөзсү з тү рдө бөгөт коюларын, ал эми бузуучу кармалып, Кыргыз Республикасынын мыйзамдарына ылайык кылмыш жоопкерчилилигине тартылаарын дагы бир ирет эскертет.

Алишер ТОКСОНБАЕВ, өз кабарчы